A Non-Profit Non-Commercial Public Service Initiative by Alka Vibhas   
पैंजण हरिची वाजली

पैंजण हरिची वाजली
गाईगुरं हंबरली

कमलाहुनि जे मोहक डोळे
श्यामल कांती अल्लड चाळे
झरझर झरझर नयनांपुढुनी,
प्रतिमा ती सरली

गोविंदाचा छंद जिवाला
चराचराला व्यापुनि उरला
ध्यानिमनीही स्वप्‍नी माझ्या,
नव आशा फुलली

हीच पाउले माझ्या हरिची
खूण असे ती हंबरण्याची
गाईगुरं ही आनंदाने,
नाचत बागडली