A Non-Profit Non-Commercial Public Service Initiative by Alka Vibhas   
पांखरा गीत नको गाऊ

पांखरा, गीत नको गाऊ !
कातरवेळी आतुर जीवा
वेध नको लावू;
पांखरा, गीत नको गाऊ !

शब्दाहुन तव सूर बोलके
कानी येता काळिज चरके
विरहाचे हे मुके हुंदके
सांग कशी साहू?
पांखरा, गीत नको गाऊ !

रात्रंदिन जो जवळ असावा
आज कुठे तो प्राणविसावा?
त्या प्रीतीच्या फसव्या गावा
नको पुन्हा नेऊ
पांखरा, गीत नको गाऊ !
गीत - शान्‍ता शेळके
संगीत - एन्‌. दत्ता
स्वर- आशा भोसले
चित्रपट - एक दोन तीन
गीत प्रकार - चित्रगीत

Please consider the environment before printing.
कागद वाचवा.
कृपया पर्यावरणाचा विचार करा.