A Non-Profit Non-Commercial Public Service Initiative by Alka Vibhas   
पंचतुंड नररुंडमालधर

पंचतुंड नररुंडमालधर पार्वतीश आधीं नमितों ।
विघ्‍नवर्गनग भग्‍न कराया विघ्‍नेश्वर गणपति मग तो ॥

कालिदासकविराजरचित हें गानीं शाकुंतल रचितों ।
जाणुनियां अवसान नसोनि हें महत्कृत्यभर शिरीं घेतों ॥

ईशवराचा लेश मिळे तरि मूढयत्‍न शेवटिं जातो ।
या न्यायें बलवत्कवि निजवाक्पुष्पीं रसिकार्चन करितो ॥
गीत - अण्णासाहेब किर्लोस्कर
संगीत - अण्णासाहेब किर्लोस्कर
स्वर- स्वर कोणाचा(चे) माहित असल्यास संपर्क करा.
नाटक - शाकुंतल
राग - अल्हैय्याबिलावल
ताल-धुमाळी
गीत प्रकार - प्रथम तुला वंदितो, नाट्यसंगीत, नांदी
तुंड - तोंड.
मूढ - गोंधळलेला / अजाण.
रुंड - शिर, मुंडके.
रुंडमाला - शंकराच्या गळ्यात मुंडक्यांची माळ असते ती.

Please consider the environment before printing.
कागद वाचवा.
कृपया पर्यावरणाचा विचार करा.


  स्वर कोणाचा(चे) माहित असल्यास संपर्क करा.