A Non-Profit Non-Commercial Public Service Initiative by Alka Vibhas   
पंढरीनिवासा सख्या पांडुरंगा

पंढरीनिवासा सख्या पांडुरंगा ।
करी अंगसंगा भक्ताचिया ॥१॥

भक्त कैवारिया होसी नारायणा ।
बोलतां वचन काय लाज ॥२॥

मागें बहुतांचें फेडियलें ऋण ।
आह्मांसाठीं कोण आली धाड ॥३॥

वारंवार तुज लाज नाहीं देवा ।
बोलरे केशवा ह्मणे नामा ॥४॥
धाड - अकस्मात केलेला हल्ला, आकस्मिक संकट.

Please consider the environment before printing.
कागद वाचवा.
कृपया पर्यावरणाचा विचार करा.