A Non-Profit Non-Commercial Public Service Initiative by Alka Vibhas   
पाण्या निघाली सुंदरी

पाण्या निघाली सुंदरी । मन ठेवि दो घागरीं ।
चाले मोकळ्या पदरीं । परी लक्ष तेथें ॥१॥

वावडी उडाली अंबरीं। हातीं धरोनियां दोरी ।
दिसे दुरिच्या दुरी । परी लक्ष तेथें ॥२॥

चोर चोरी करी । ठेवी वनांतरीं ।
वर्ततसे चराचरीं । परी लक्ष तेथें ॥३॥

व्यभिचारिणी नारी । घरा श्रम करी ।
परपुरुष जिव्हारीं । परी लक्ष तेथें ॥४॥

तुका ह्मणे असों भलतिये व्यापारीं ।
लक्ष सर्वेश्वरीं । चुकों नेदी ॥५॥
नेदी - देत नाही.

 

Print option will come back soon