A Non-Profit Non-Commercial Public Service Initiative by Alka Vibhas   
पाण्याहून सांजवेळी जात होते

पाण्याहून सांजवेळी जात होते घरी
अडवून वाट माझी उभा राहे हरी

मनात मी बावरले
कशीबशी सावरले
अचानक तोच हाय कोसळल्या सरी

आभाळात ओले रंग
चिंब चिंब माझे अंग
काय उपयोग आता सावरून तरी?

पडे अनोळखी भूल
फुलले मी जसे फूल
बासरीचे सूर माझ्या झाले प्राणभरी

काही बोलले मी नाही
वितळल्या दिशा दाही
चांदण्याचा राजहंस धरिला मी उरी

 

Print option will come back soon