परम सुवासिक पुष्पें
परम सुवासिक पुष्पें कोणी चातुर्यें गुंफिती नारी
सुगंध तैलें वासित करिती शय्यावस्त्रें धरुनि करीं
नानापरीचे विडे मनोहर तबकांमध्यें कोणि भरी
अंगराग ते तयार करुनी ठेविति शेजेशेजारीं
खिडक्यांचे वाळ्याचे पडदे भिजवुनि कोणी गार करी
गुलाबपाणी थंड करोनी शिंपित कोणी गच्चिवरी
सर्व तयारी नीट कराया दक्ष असति जन किती तरी
वाटे मज मंदिर हें करिलचि वैकुंठाची बरोबरी ॥
सुगंध तैलें वासित करिती शय्यावस्त्रें धरुनि करीं
नानापरीचे विडे मनोहर तबकांमध्यें कोणि भरी
अंगराग ते तयार करुनी ठेविति शेजेशेजारीं
खिडक्यांचे वाळ्याचे पडदे भिजवुनि कोणी गार करी
गुलाबपाणी थंड करोनी शिंपित कोणी गच्चिवरी
सर्व तयारी नीट कराया दक्ष असति जन किती तरी
वाटे मज मंदिर हें करिलचि वैकुंठाची बरोबरी ॥
| गीत | - | अण्णासाहेब किर्लोस्कर |
| संगीत | - | अण्णासाहेब किर्लोस्कर |
| स्वर | - | भार्गवराम आचरेकर |
| नाटक | - | संगीत सौभद्र |
| राग | - | कालिंगडा |
| ताल | - | धुमाळी |
| गीत प्रकार | - | नाट्यगीत |
| शेज | - | अंथरूण. |
दाद द्या अन् शुद्ध व्हा !
भार्गवराम आचरेकर