A Non-Profit Non-Commercial Public Service Initiative by Alka Vibhas   
पाषाणातुनी वेड्या का तू

पाषाणातुनी वेड्या का तू बघसी रे श्रीराम
अंतरी आहे आत्माराम

त्या देहाच्या देव्हार्‍यातुन, ज्योती उजळत नयनदळातून
दोन करांची माला वाहून कर भक्ती निष्काम

निर्मळ गंगा करुन मनाची, कावड न्यावी पावित्र्याची
मन कमळावर तुझ्याच आहे प्रभू जानकी-राम

वेदाहून ते पवित्र सुंदर, हृदय असू दे सदा निरंतर
आसवांतही वाट भक्तिची त्यातच मेघ:श्याम
गीत - मधुकर जोशी
संगीत - वसंत आजगांवकर
स्वर- माणिक वर्मा
गीत प्रकार - भक्तीगीत
आत्माराम - आत्मा हाच राम.

 

Print option will come back soon