A Non-Profit Non-Commercial Public Service Initiative by Alka Vibhas   
पाठमोरी मूर्ति तव ही

पाठमोरी मूर्ति तव ही पाहिली मीं कौतुकें
वाटलें त्वत्कुंतलीं गे गुंतलीं सारीं सुखें.

भार त्यांचा गाढ काळा मेघ आषाढांतला
का फुलांच्या मार्दवें मानेवरी भारावला?

हा न झेला गे फुलांचा- लाजरी सौदामिनी
वाकुनीं केशीं तुझ्या लोकां खुणावी हासुनी.

पाठमोरी तू बिजेची रात्र, लावण्यें रमा
हासुनी पाहीं वळोनि, होउं दे ना पौर्णिमा.  
गीत - बा. भ. बोरकर
संगीत - पं. जितेंद्र अभिषेकी
स्वर- किशोरी आमोणकर
गीत प्रकार - भावगीत
  
टीप -
• काव्य रचना- २ मार्च १९४१.
कुंतल - केस.
झेला - गुच्छ / नक्षी.

 

Print option will come back soon