A Non-Profit Non-Commercial Public Service Initiative by Alka Vibhas   
प्रभाती सूर नभी रंगती

प्रभाती सूर नभी रंगती, दशदिशा भूपाळी म्हणती

पानोपानी अमृत शिंपित
उषा हासरी हसते धुंदित
जागी होउन फुले सुगंधित तालावर डोलती

कृषीवलांची हाक ऐकुनी
मोट धावते शेतामधुनी
पक्षी अपुल्या मधुर स्वरांनी, स्वरांत स्वर मिळविती

प्रसन्‍न वदनी सुहासिनी कुणि
सडे शिंपिती मृदुल करांनी
श्रीविष्णूचे नाम स्मरुनी तार कुणी छेडिती
गीत- रमेश अणावकर
संगीत - वसंत प्रभू
स्वर - आशा भोसले
राग- भूप यमन देसकार
गीत प्रकार - भक्तीगीत
उषा - पहाट.
कृषीवल - शेतकरी.
मोट - विहिरीतून पाणी काढण्याचे मोठे पात्र.