A Non-Profit Non-Commercial Public Service Initiative by Alka Vibhas   
प्रत्येकाची रात्र थोडी

प्रत्येकाची रात्र थोडी आतून आतून वेडी
प्रत्येकाच्या पायामध्ये एक तरी बेडी !

प्रत्येकाच्या मनातून कुठला तरी राग
प्रत्येकाच्या चंद्रावर कसला तरी डाग
प्रत्येकाच्या मनातून काहीतरी खोडी !

प्रत्येकाच्या मनामध्ये स्वप्‍नातला देश
प्रत्येकाच्या तळव्याला नशिबाची रेष
प्रत्येकाची छाती करे रोज तडजोडी !

फिटावीत जरा तरी जगण्याची देणी
एक तरी ओळ अशी लिहावी शहाणी
प्रत्येकाच्या पानी कशी रोज खाडाखोडी?
गीत- संदीप खरे
संगीत - संदीप खरे
स्वर - सलील कुलकर्णी , संदीप खरे
अल्बम- आयुष्यावर बोलू काही
गीत प्रकार - कविता