A Non-Profit Non-Commercial Public Service Initiative by Alka Vibhas   
प्रीत तुझी माझी कुणाला सांगू

प्रीत तुझी माझी कुणाला सांगू नको साजणी
पुन्हां पुन्हां हिणवुनी तुला ग हसतिल ना मैत्रिणी

सवें प्रीतिची ज्योती उजळूं
सवेच प्रीतीलहरी उधळूं
प्रसन्‍नतेनें निवांत खेळूं प्रीतीच्या अंगणी

चंदेरी रात्रीं जाउनिया
कांठावरुनी पाहूं दरिया
देईल सोबत येऊन उदया शुक्राची चांदणी

अपुल्या प्रीतीची ग द्वाही
फिरवूं नको इतुक्यांत कुठेही
उघडपणे मम गुणगौरवही करूं नको साजणी
गीत - बाबुराव गोखले
संगीत - गजानन वाटवे
स्वर- गजानन वाटवे
गीत प्रकार - भावगीत
द्वाही - दवंडी.

Please consider the environment before printing.
कागद वाचवा.
कृपया पर्यावरणाचा विचार करा.