A Non-Profit Non-Commercial Public Service Initiative by Alka Vibhas   
प्रीतीचा साज हा आज मी

प्रीतीचा साज हा आज मी ल्याले,
राधा तुझी झाले
अंतरी गुंजले रे सुखाचे उखाणे, भारलेले

तू छेडिता सूर ते यौवनाचे
झंकारले घुंगरू पापण्यांचे
मोहजाल चंचल लोचनात नाचे
दाटले चांदणे रोमरोमी नशेने रंगलेले

पारिजात देही फुलारून आला
मनी मीलनाचा गंध साठलेला
बेभान झाला मनमोर माझा
फुलवी पिसारा धुंदावलेला
स्वप्‍न ते भेटले भर्जरी भावनेने रेखिलेले

मी तोडिले बंध हे लौकिकाचे
ना राखिले पाशही या जगाचे
किती प्राशिले मी घोट वादळाचे
गुंफिले प्राण मी रे तुझ्या भोवताली उधाणलेले
गीत - गंगाधर महाम्‍बरे
संगीत - बाळ बर्वे
स्वर- साधना सरगम
गीत प्रकार - भावगीत

 

Print option will come back soon