राधा गौळण करिते मंथन
राधा गौळण करिते मंथन
अविरत हरीचे मनात चिंतन
सुवर्ण चंपक यौवन कांती
हिंदोलत ती मागेपुढती
उजव्या डाव्या झुलत्या हाती
कृष्ण कृष्ण ते बोलत कंकण
नाद मुरलीचा पडता कानी
बावरली ती गोकुळ हरिणी
छुमछुम छंदी घुंगूर चरणी
गुणगोविंदी गेली रंगून
राधेविण ते मंथन चाले
नवल बघाया नवनित आले
ध्यान तियेचे उघडी डोळे
दृष्टी पुढती देवकीनंदन
अविरत हरीचे मनात चिंतन
सुवर्ण चंपक यौवन कांती
हिंदोलत ती मागेपुढती
उजव्या डाव्या झुलत्या हाती
कृष्ण कृष्ण ते बोलत कंकण
नाद मुरलीचा पडता कानी
बावरली ती गोकुळ हरिणी
छुमछुम छंदी घुंगूर चरणी
गुणगोविंदी गेली रंगून
राधेविण ते मंथन चाले
नवल बघाया नवनित आले
ध्यान तियेचे उघडी डोळे
दृष्टी पुढती देवकीनंदन
| गीत | - | पी. सावळाराम |
| संगीत | - | वसंत प्रभू |
| स्वर | - | आशा भोसले |
| गीत प्रकार | - | हे श्यामसुंदर , भावगीत |
| चंपक | - | (सोन) चाफा. |
| नवनीत | - | लोणी. |
| हिंदोल (हिंडोल) | - | झुला, झोका. |
दाद द्या अन् शुद्ध व्हा !
आशा भोसले