A Non-Profit Non-Commercial Public Service Initiative by Alka Vibhas   
राधिका हरिभजनी रंगली

कामधाम संसार विसरली
हरिभजनी रंगली,
राधिका हरिभजनी रंगली

गोकुळ वदले राधा वेडी
संसाराची माया तोडी
जगावेगळे छंद आवडी
कुंजवनी राधिका पाहिली

हरिभजनाने तुटले बंधन
मुक्त राधिका झाली पावन
गोकुळ बनले मग नंदनवन
वाजवितो मुरली वनमाळी

आत्मरूप ते रूप हरीचे
मर्म उमजले संसाराचे
धन्य राधिका तिने पाहिली
विश्वस्वरुपी मूर्ति सावळी

Please consider the environment before printing.
कागद वाचवा.
कृपया पर्यावरणाचा विचार करा.