राघुमैना रानपाखरं गाउ
सोनसकाळी सर्जा सजला हसलं हिरवं रान
राघुमैना रानपाखरं गाऊ लागली गान !
झुळुझुळु आला पहाटवारा
हळूच जागवी उभ्या शिवारा
झाडं वेली नीज सांडती नाचनाचतं पान
राघुमैना रानपाखरं गाऊ लागली गान !
पिढ्यापिढ्यांचं पातक सरलं
शिवनेरीला शिव अवतरलं
शिवरायांच्या मंगल चरणी
पावन झाली अवघी धरणी
जयभवानी बोल गर्जती आज पाचही प्राण
राघुमैना रानपाखरं गाऊ लागली गान !
झुळुझुळु आला पहाटवारा
हळूच जागवी उभ्या शिवारा
झाडं वेली नीज सांडती नाचनाचतं पान
राघुमैना रानपाखरं गाऊ लागली गान !
पिढ्यापिढ्यांचं पातक सरलं
शिवनेरीला शिव अवतरलं
शिवरायांच्या मंगल चरणी
पावन झाली अवघी धरणी
जयभवानी बोल गर्जती आज पाचही प्राण
| गीत | - | शान्ता शेळके |
| संगीत | - | आनंदघन |
| स्वर | - | लता मंगेशकर |
| चित्रपट | - | मोहित्यांची मंजुळा |
| गीत प्रकार | - | चित्रगीत |
| शिव | - | मंगल, कल्याणकारी. |
| शिवार | - | शेत. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !