A Non-Profit Non-Commercial Public Service Initiative by Alka Vibhas   
राजा झाला गुलाम राणी

राणी आली घरी, राजा राज्य तुझे संपले!
राजा झाला गुलाम राणी आल्यामुळे!

छोट्या या संसारी, तू राजा मी राणी
राणी बसे सिंहासनी अन्‌ राजा भरतो पाणी
हुकुमाच्या राणीने राज्य तुझे जिंकिले
राजा झाला गुलाम राणी आल्यामुळे!

दोघांच्या संसारी, तू फिफ्टी मी फिफ्टी
राणी करी आराम अन्‌ राजाची कंबख्ती
नावाच्या राजाचे राज्य किती चांगले
राजा झाला गुलाम राणी आल्यामुळे!

राजाच्या संस्थानी राणीचा कंट्रोल
राणी नीजे खुशाल अन्‌ राजा फुंकी चूल
पंपून ये स्टोव्ह जरा काम किती राहिले
राजा झाला गुलाम राणी आल्यामुळे!

शिक्षा ही मिळते रे प्रेमाच्या फंदात
चुकलो मी गे पुरा या लग्‍नाच्या धंद्यात
लढाईला जरा कुठे तोंड आता लागले
राजा झाला गुलाम राणी आल्यामुळे!

 

Random song suggestion
  आशा भोसले, सुधीर फडके