रामप्रहरी राम-गाथा
रामप्रहरी राम-गाथा रंगते ओठांवरी
या दिशांनी राघवाचे गीत हे साकारिले
पाखरांनी आवडीने सूर त्याचे प्राशिले
रामनामी फूल फुलते डोलती तरूवल्लरी
एकवचनी, एकपत्नी, एकबाणी जो सदा
जो प्रजेचे सौख्य पाही, दु:ख साही सर्वदा
तोचि विष्णू, तोचि शिवही, तोचि अपुला श्रीहरी
या दिशांनी राघवाचे गीत हे साकारिले
पाखरांनी आवडीने सूर त्याचे प्राशिले
रामनामी फूल फुलते डोलती तरूवल्लरी
एकवचनी, एकपत्नी, एकबाणी जो सदा
जो प्रजेचे सौख्य पाही, दु:ख साही सर्वदा
तोचि विष्णू, तोचि शिवही, तोचि अपुला श्रीहरी
गीत | - | शांताराम नांदगावकर |
संगीत | - | श्रीनिवास खळे |
स्वर | - | कृष्णा कल्ले |
गीत प्रकार | - | राम निरंजन, भक्तीगीत |
रामप्रहर | - | पहाट. |
वल्लरी | - | वेल (वल्ली, वल्लिका). |