A Non-Profit Non-Commercial Public Service Initiative by Alka Vibhas   
रम्य अशा स्थानी

रम्य अशा स्थानी, रहावे रात्रंदिन फुलुनी !

मंजुळ घंटा सांज-सकाळी
गोकुळ गीतें गातील सगळी
हो‍उनी स्वप्‍नीं गौळण भोळी वहावे यमुनेचे पाणी !

रंगवल्लिका उषा रेखिते
सिंदुर भांगी संध्या भरते
रात्र तारका दीप लावते पहावे अनिमिष तें नयनी !

स्वैर पवन मग होईल विंझण
चंद्रकोर धरी शुभ निरांजन
सृष्टीसखीची हो‍उनि मैत्रिण फिरावे गात गोड गाणी !
अनिमिष - एकटक / अवलोकन, दृष्टी.
उषा - पहाट.
विंझण - पंखा.

 

Random song suggestion
This 👇 player works on all android and iOS devices also
  लता मंगेशकर