रम्य अशा स्थानी
रम्य अशा स्थानी, रहावे रात्रंदिन फुलुनी !
मंजुळ घंटा सांजसकाळी
गोकुळ गीतें गातिल सगळी
होउनी स्वप्नीं गौळण भोळी वहावे यमुनेचे पाणी !
रंगवल्लिका उषा रेखिते
सिंदुर भांगी संध्या भरते
रात्रतारका दीप लावते पहावे अनिमिष तें नयनीं !
स्वैर पवन मग होईल विंझण
चंद्रकोर धरी शुभ निरांजन
सृष्टीसखीची होउनि मैत्रिण फिरावे गात गोड गाणी !
मंजुळ घंटा सांजसकाळी
गोकुळ गीतें गातिल सगळी
होउनी स्वप्नीं गौळण भोळी वहावे यमुनेचे पाणी !
रंगवल्लिका उषा रेखिते
सिंदुर भांगी संध्या भरते
रात्रतारका दीप लावते पहावे अनिमिष तें नयनीं !
स्वैर पवन मग होईल विंझण
चंद्रकोर धरी शुभ निरांजन
सृष्टीसखीची होउनि मैत्रिण फिरावे गात गोड गाणी !
| गीत | - | वि. स. खांडेकर |
| संगीत | - | मीना खडीकर |
| स्वर | - | लता मंगेशकर |
| चित्रपट | - | माणसाला पंख असतात |
| गीत प्रकार | - | चित्रगीत |
| अनिमिष | - | एकटक / अवलोकन, दृष्टी. |
| उषा | - | पहाट. |
| विंझण | - | पंखा. |
दाद द्या अन् शुद्ध व्हा !
लता मंगेशकर