रानांत सांग कानांत आपुले नाते
मी भल्या पहाटे येते
पाण्यात निळ्या गाण्यांत भावना हलते
हळूहळू कमलिनी फुलते

आभाळ जगाचे भाळ मळवटी नटते
उगवतीस हासू फुटते
ज्या क्षणी विरही पक्षिणी सख्याला मिळते

हरभरा जिथे ये भरा, शाळु सळसळते
वार्‍यात शीळ भिरभिरते
त्या तिथं तुला सांगते, हरळी मी देते
बोलावुन तुजसी घेते

आनंद पुढे पाणंद सभोती शेते
पूर्वेस बिंब तो फुटते
त्या तिथं तुला सांगते, हरळी मी देते
बोलावुन तुजसी घेते