A Non-Profit Non-Commercial Public Service Initiative by Alka Vibhas   
रंगुनी श्रीहरी कीर्तनी

रंगुनी श्रीहरी कीर्तनी
अवचित प्रकटती नारदमुनी

मुद्रा राजस मधाळ रसना
शोभतसे नित गळ्यात वीणा
स्वरब्रह्माच्यायोगे विभूषित सतत नित्य भ्रमणी

सांगती मुनीवर मानवांना
सहज साध्य ती असे साधना
हरिकथेच्या करा गायना एकल ध्यास निशिदिनी
गीत - गंगाधर महाम्‍बरे
संगीत - हेमंत पेंडसे
स्वर- महेश काळे
अल्बम - सावलीस का कळे
गीत प्रकार - हे श्यामसुंदर, भावगीत
निशिदिनी - अहोरात्र.
रसना - जीभ / चव.