A Non-Profit Non-Commercial Public Service Initiative by Alka Vibhas   
रात्रीच्या धुंद समयाला

रात्रीच्या धुंद समयाला
शिणगार साज मी केला
हो सख्या घडीभर बसुनी बोला !

हृदयाची कळी जागली
शिणविली नयनबाहुली
वाट बघुन जीव हा थकला !

ओठांत भाव थरकले
घुंगरू छनन वाजले
बांधला सुरांचा झोला !

तबकात विड्यांचा थाट
केशरी गंध वार्‍यात
प्रणयास आगळा थाट
चौरंग बाहुचा केला !
गीत- यशवंत देव
संगीत - यशवंत देव
स्वर - आशा भोसले
चित्रपट- कामापुरता मामा
गीत प्रकार - चित्रगीत लावणी
आगळा - अग्रेसर / श्रेष्ठ / जास्त / अधिक / वैशिष्ट्यपूर्ण.
झोला - झोका.