A Non-Profit Non-Commercial Public Service Initiative by Alka Vibhas   
रवि गेला रे सोडुनी

निज नीज माझ्या बाळा
बा नीज गडे, नीज गडे लडिवाळा !

रवि गेला रे, सोडुनि आकाशाला
धन जैसें दुर्भाग्याला.

अंधार वसे चोहिंकडे गगनांत,
गरिबांच्या जेविं मनांत.

बघ थकुनि कसा निजला हा इहलोक
मम आशा जेविं अनेक.

खडबड हे उंदिर करिती,
कण शोधायातें फिरती,
परि अंतीं निराश होती;

लवकरि हेही सोडितील सदनाला,
गणगोत जसें आपणांला.

जोंवरतीं या कुडींत राहिल प्राण,
तोंवरि तुज संगोपीन.

तद्‌नंतरची करूं नको तूं चिंता
नारायण तुजला त्राता.
गीत- कवी दत्त
संगीत -
स्वर - स्वर कोणाचा(चे) माहित असल्यास संपर्क करा.
गीत प्रकार - कविता
जेवी - जसा, ज्याप्रमाणे.

 

Random song suggestion
  स्वर कोणाचा(चे) माहित असल्यास संपर्क करा.