A Non-Profit Non-Commercial Public Service Initiative by Alka Vibhas   
राया मी रंभा की उर्वशी

चंद्रकलेची घडी मोडली, सांगा हो दिसते कशी?
राया मी रंभा की उर्वशी?

अवखळ चंचल माझं यौवन
अंगावरती आले बहरून
अर्ध्याराती उरात माझ्या होई कासाविशी

दुनियेत सार्‍या माझ्यावानी
गावंल का हो दुसरं कोनी
चुकुन पडलं तुमच्या हाती सोनं बावनकशी

मनासारखं माझ्या घडु द्या
जळतिल त्यांना खुशाल जळु द्या
नजरेमधला भाव निराळा तुम्हांस दावू कशी?
गीत - राम मोरे
संगीत - विश्वनाथ मोरे
स्वर- रोशन सातारकर
गीत प्रकार - लावणी
चंद्रकळा - फक्त काळ्या रंगाची साडी.

 

Print option will come back soon