A Non-Profit Non-Commercial Public Service Initiative by Alka Vibhas   
रुसला कान्हा

रुसला कान्हा, जा जा ग, जा ना !
कां रुसला? रुसला कान्हा !
कां रुसला माझा, कां रुसला?
रुसला कान्हा, बाई ग रुसला कान्हा
जा जा ग, जा ना !
कां रुसला? रुसला कान्हा !

घागर भरली, कुणि ना फोडी
झोंबुनी पदरा कुणि न ओढी
आळवुनी आणा, जा जा ग, जा ना !
कां रुसला? रुसला कान्हा !

मधुदान कुणा देऊ? कधि गोकुळी ये राणा
गुंजत कुणी मागत ना कुंजी चुंबनांना
कां रुसला माझा, कां रुसला
रुसला कान्हा, बाई ग रुसला कान्हा
सखे ग, रुसला कान्हा
जा जा ग, जा ना !
कां रुसला? रुसला कान्हा !
कुंज - वेलींचा मांडव.