सहज तुझी हालचाल
मंत्रें जणुं मोहिते.

सहज चालणेंहि तुझें,
सहज बोलणेंहि तुझें,
सहज पाहणेंहि तुझें
मोहनि मज घालितें.

संसृतिचा घोर भार
बघतां तूं एकवार
विलया सखि, जाय पार,
देहभान लोपतें.

देवी, वनदेवि म्हणूं,
स्वप्‍न, भास काय म्हणूं?
प्रतिभा कीं भैरवि म्हणुं
मति माझी कुंठते.

एकवार चघ हासुन
डळमळेल सिंहासन !
तळमळतिल मनिं सुरगण !
हास्यास्तव खास ते

ही अपूर्व शक्ति सगुण
झाडितसे मम अंगण,
हे माझे भाग्य बघुन
जळफळतिल देव ते

  संपूर्ण कविता / मूळ रचना