सैनिक माझे नाव
उभा पाठीशी सदैव माझ्या तेजोमय इतिहास
उभे पाठीशी प्रताप, शिवबा, उभे शौर्य विश्वास
उभे पाठीशी भगतसिंगजी, उभे गुरू गोविंद
उभा पाठीशी सुभाष योद्धा, गर्जतसे जयहिंद
या देशाचा मी संरक्षक,
भारत माझे गाव, सैनिक माझे नाव
मी न मराठी राजस्थानी
धर्म जाती मज हिंदुस्थानी
मायभूमीचा मी अभिमानी
या अभिमानी धर्मव्रतांचा अवघ्या अंतर्भाव
जननी माझी भारतमाता
या भूमीतच पिके वीरता
जन्म-मृत्युची मला न चिंता
देह विनाशी हा तर केवळ आत्म्याचा पेहेराव
जितेन आणि जगेन लोकी
रण क्रीडांगण माझ्या लेखी
खड्ग पडो की मुकुट मस्तकी
देशकार्य ते देवकार्य, मज अढळ अंतरी भाव
उरि निर्भयता नयनी अग्‍नी
उन्‍नत मस्तक करी शतघ्‍नी
उभा इथे मी असा निशिदिनी
बघू कोणता शत्रू करतो कुठुनी धीट उठाव
उभे पाठीशी प्रताप, शिवबा, उभे शौर्य विश्वास
उभे पाठीशी भगतसिंगजी, उभे गुरू गोविंद
उभा पाठीशी सुभाष योद्धा, गर्जतसे जयहिंद
या देशाचा मी संरक्षक,
भारत माझे गाव, सैनिक माझे नाव
मी न मराठी राजस्थानी
धर्म जाती मज हिंदुस्थानी
मायभूमीचा मी अभिमानी
या अभिमानी धर्मव्रतांचा अवघ्या अंतर्भाव
जननी माझी भारतमाता
या भूमीतच पिके वीरता
जन्म-मृत्युची मला न चिंता
देह विनाशी हा तर केवळ आत्म्याचा पेहेराव
जितेन आणि जगेन लोकी
रण क्रीडांगण माझ्या लेखी
खड्ग पडो की मुकुट मस्तकी
देशकार्य ते देवकार्य, मज अढळ अंतरी भाव
उरि निर्भयता नयनी अग्‍नी
उन्‍नत मस्तक करी शतघ्‍नी
उभा इथे मी असा निशिदिनी
बघू कोणता शत्रू करतो कुठुनी धीट उठाव
| गीत | - | ग. दि. माडगूळकर |
| संगीत | - | बाळ चिटणीस |
| स्वर | - | |
| गीत प्रकार | - | स्फूर्ती गीत |
टीप - • या गीताचे मूळ ध्वनीमूद्रण आमच्याकडे नाही. आपल्याकडे असल्यास, कृपया aathavanitli.gani@gmail.com या इ-पत्त्यावर पाठवा. ते रसिकांना ऐकण्यासाठी इथे उपलब्ध करून दिले जाईल. |
| जितणे | - | जिंकणे. |
| निशिदिनी | - | अहोरात्र. |
| शतघ्‍नी | - | एक प्रकारची तोफ. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !