A Non-Profit Non-Commercial Public Service Initiative by Alka Vibhas   
साजणी सई ग

साजणी सई ग !
साजण नाही घरी, सुकली जाई ग !

दिसं गेले किती सखा दूर देशी गेल्याला
पुशिते मी आसू त्याच्या रेशमी शेल्याला !
सोन्याच्या ताटामध्ये पक्वान्‍ने पाच ग !
सख्याच्या आठवाने घास जाईना ग !

चंदनी झोपाळा बाई हलतो ग डुलतो
भरजरी पदराचा शेव मागे झुलतो
पदराला आठवते सखयाची बोली ग !
ऐकताना होते माझी पापणी ओली ग !
गीत- शान्‍ता शेळके
संगीत - मीना खडीकर
स्वर - उषा मंगेशकर
गीत प्रकार - भावगीत
शेव - टोक, काठ.