A Non-Profit Non-Commercial Public Service Initiative by Alka Vibhas   
सख्या हो आज मला सावरा

मर्जी तुमची मी सांभाळीन, हृदयी द्या आसरा
सख्या हो, आज मला सावरा !

स्वप्‍नांचा हा मंचक सजला
धुंद सुगंधी होऊन भिजला
राहू कशी मी दूर साजणा
जवळी घ्या ना जरा
सख्या हो, आज मला सावरा !

हळू जरासा घाला विळखा
जीव होऊ दे हलका हलका
गोड गुलाबी उठता काटा
मोहरले दिलवरा
सख्या हो, आज मला सावरा !

चालू कशी मी बोलू कशी मी
मनातले मन खोलू कशी मी
मुकी असूनही गाते गाणे
माझ्या गुलमोहरा
सख्या हो, आज मला सावरा !
दिलवर - शूर / धाडसी.

Please consider the environment before printing.
कागद वाचवा.
कृपया पर्यावरणाचा विचार करा.