सांगते ऐका, पैशाला दोन बायका !

एकीचं नाव सत्ता
दुसरीचं नाव चिंता
पैशाच्या दोन कांता
त्याच्यासंगं इमान राखिती, दुसर्‍याला धोका !

पैशाच्या संसाराची
चिंता पैशाची दासी
चिंतेच्या पडता पाशी
जितेपणी ती चिता जाळिते, मरणाआधी कैका !

सत्तेचे न्यारे फंद
नीतीचे तुटती बंध
डोळ्यांमध्ये चढते धुंद
दमडीसाठी चमडी गमविन, गाठी बांधिन पैका !

पैशाच्या मोहापायी
किती रडती ठाई ठाई
किती झुरती ठाई ठाई
दाम येईना कामा काही, अडता माझी नौका !