A Non-Profit Non-Commercial Public Service Initiative by Alka Vibhas   
सांगू कसे तुला मी

सांगू कसे तुला मी? माझ्या मनातले ग !
नाते मला कळाले माझ्यातुझ्यातले ग !

कानात सांग माझ्या हलकेच नाव आता
केव्हाच पाखरांचे आवाज थांबले ग !

डोळ्यांत लाजणार्‍या लपवून घे मला तू
दारात चांदण्याचे पाऊल वाजले ग !

ये ना मिठीत माझ्या, का लाजतेस आता?
देहात अमृताचे आभाळ सांडले ग !
गीत- अनिल कांबळे
संगीत - आनंद मोडक
स्वर - रवींद्र साठे
गीत प्रकार - भावगीत