A Non-Profit Non-Commercial Public Service Initiative by Alka Vibhas   
सांजवात लावते

सांजवात लावते
आई स्मरण तुझे होते

मिटल्या नयनी तुझीच मूर्ती
येऊन सांगे शुभंकरोती
गहिवरुनी अश्रू सांगती
भरचुड्याचे कर जोडिते

सुखी संसारी तुझ्या कृपेनं
कौतुक करण्या नाहीस तू पण
पोरकीच ना आता तुजविण
लेक लाडकी हाक मारते

बघण्या तुजला एकदाच ते
माहेराला चालत येते
कुशीत शिरुनी 'आई' म्हणते
भीक घाल तू मातृदेवते
गीत - पी. सावळाराम
संगीत - वसंत प्रभू
स्वर- माणिक वर्मा
गीत प्रकार - आई, भावगीत

 

Print option will come back soon