A Non-Profit Non-Commercial Public Service Initiative by Alka Vibhas   
साउली मी तुझी होउनी

साउली मी तुझी होउनी यायचे
तू जिथे, तिथे थांबायचे

जेथुनी ही तुझी चालली पाऊले
मी फुलांची तुझी वाट रे जाहले
प्राण देऊन का प्राण मागायचे?
तू जिथे, तिथे थांबायचे

तोल ना सावरे, खोल हे भोवरे
पूर ना आवरे, दूर ती गोपुरे
जान्हवी होऊन आज वाहायचे
तू जिथे, तिथे थांबायचे

या पुढे जायचे स्वर्ग हे संपले
मागुती यायचे मार्ग हे संपले
होऊदे रे तुझी, होउदे व्हायचे
तू जिथे, तिथे थांबायचे
गीत- वसंत निनावे
संगीत -
स्वर - शोभा गुर्टू
गीत प्रकार - भावगीत
गोपुर - देवळाचे मुख्य दार.
जान्हवी - गंगानदी.

 

This 👇 player works on all android and iOS devices also
  शोभा गुर्टू