A Non-Profit Non-Commercial Public Service Initiative by Alka Vibhas   
शिकवितेस तू शिकता

शिकवितेस तू शिकता शिकता
सहज मजकडे बघता बघता

बघायलाही तुम्ही शिकविता
सहज मजकडे बघता बघता

तुझी पापणी ती ढळलेली
गुज मनीचे लिहिते गाली

कळते मजला तुम्ही वाचता
सहज मजकडे बघता बघता

स्पर्श सारखा पुसतो काही
हर्ष मनाचा अबोल राही

परि बोलकी तुझी मुग्धता
सहज मजकडे बघता बघता

करिशी वेणी मागेपुढती
निळी पाखरे नयनी उडती

हसता मजला अर्थ लागता
सहज मजकडे बघता बघता

चंपक गोर्‍या रोमांचातुन
गीत सुगंधी येता बहरून

बावरशी का प्रीत गुंजता
सहज मजकडे बघता बघता
गुज - गुप्‍त गोष्ट, कानगोष्ट.

 

Random song suggestion
  आशा भोसले, दशरथ पुजारी