A Non-Profit Non-Commercial Public Service Initiative by Alka Vibhas   
शिवरायाचे वंशज आम्ही

शिवरायाचे वंशज आम्ही
रक्त आमुचे रणवीरांचे
स्वातंत्र्यास्तव रणी झुंजतो
मरण जिंकतो आभिमानाचे

सिद्ध जाहले जवान कोटी
रक्त सांडती मातेसाठी
देशभक्तीची हीच कसोटी
शतजन्माचे भाग्य आमुचे

संगिनीस रे संगिन भिडवू
पराक्रमाचे झेंडे मिरवू
हर हर गर्जत थयथय नाचत
गीत गाऊ रे रणचंडीचे

चला पुढे रे एकजुटीने
रक्त उसळले संतापाने
दानवास रे परतुन लावा
रक्षण करण्या मानवतेचे
संगीन - व्यवस्थित / मजबूत, पक्का / बंदुकीच्या अग्रभागी लावण्याचे सुर्‍यासारखे शस्‍त्र.