शोधू नको मना रे
शोधू नको मना रे तू अर्थ जीवनाचा
अज्ञात खेळ चाले हा ऊन-सावल्यांचा
असते इथे निराशा आशेत गुंफलेली
स्वप्ने सजून येती वैफल्य माळलेली
हास्यात साठलासे उद्घोष आसवांचा
बहरातल्या कळीला निर्माल्य शाप देते
बाधा तशी जरेची का यौवनास होते?
उदयासवेच ठरतो आकार शेवटाचा
अज्ञात खेळ चाले हा ऊन-सावल्यांचा
असते इथे निराशा आशेत गुंफलेली
स्वप्ने सजून येती वैफल्य माळलेली
हास्यात साठलासे उद्घोष आसवांचा
बहरातल्या कळीला निर्माल्य शाप देते
बाधा तशी जरेची का यौवनास होते?
उदयासवेच ठरतो आकार शेवटाचा
| गीत | - | वंदना विटणकर |
| संगीत | - | श्रीनिवास खळे |
| स्वर | - | अपर्णा मयेकर |
| गीत प्रकार | - | भावगीत, मना तुझे मनोगत |
| जरा | - | वृद्धत्व. (अजर- जरारहित, वार्धक्यरहित) |
दाद द्या अन् शुद्ध व्हा !