A Non-Profit Non-Commercial Public Service Initiative by Alka Vibhas   
श्रावणसरी

सोशिक माती अशी सारखी वर्षावाने भिजे
युगायुगांची उत्कट आशा अक्षर होऊन रूजे

केव्हा हसणे, केव्हा रडणे, कधी सोसणे कळा
असा चालला इथे सनातन सृजनाचा सोहळा

कशी मनातून मने गुंतती भाव दाटती उरी
उन्हात न्हाऊन सुंदर होऊन येती श्रावणसरी

जळथेंबानी कशी चमकते सृष्टी ही साजरी
कधी हासर्‍या, कधी लाजर्‍या, आल्या श्रावणसरी
गीत - शान्‍ता शेळके
संगीत - नरेंद्र भिडे
स्वर- आशा भोसले
गीत प्रकार - मालिका गीते
  
टीप -
• शीर्षक गीत, मालिका- श्रावणसरी, वाहिनी- झी मराठी.
सृजन - निर्मिती.

Please consider the environment before printing.
कागद वाचवा.
कृपया पर्यावरणाचा विचार करा.