A Non-Profit Non-Commercial Public Service Initiative by Alka Vibhas   
श्रीरामाचे दर्शन घडले

श्रीरामाचे दर्शन घडले
पाषाणातुनी शब्द उमटले

अपराधाची जाणीव नसता
घडले काही दीनानाथा
गुन्हेगार मी गौतम वदता
अपराधाने लज्जित झाले

अपराधाचे शासन म्हणुनी
भूवरि पडले शीळा होऊनी
आज संपली करूण कहाणी
पदस्पर्शाने पावन झाले

पतितांना तू करिसी पावन
जन वदती तुज पतीतपावन
सरले माझे देवा मीपण
तुझ्या कृपेने जीवन सरले