A Non-Profit Non-Commercial Public Service Initiative by Alka Vibhas   
अवेळीच केव्हा दाटला

अवेळीच केव्हा दाटला अंधार
तिला गळा जड झाले, काळे सर

एकदा मी तिच्या डोळ्यांत पाहिले
हासताना नभ कलून गेलेले

पुन्हा मी पाहिले तिला अंगभर
तिच्या काचोळीला चांदण्याचा जर
आणि माझा मला पडला विसर
मिठीत थरके भरातील ज्वार

कितीक दिसांनी पुन्हा ती भेटली
तिच्या ओटी कुण्या राव्याची साउली
तिच्या डोळियांत जरा मी पाहिले
काजळात चंद्र बुडून गेलेले
गीत- ना. धों. महानोर
संगीत - श्रीधर फडके
स्वर - श्रीधर फडके
गीत प्रकार - भावगीत