A Non-Profit Non-Commercial Public Service Initiative by Alka Vibhas   
श्रीरामाच्या पूजेसाठी आज

फुले प्रीतीची आनंदाच्या अश्रूंनी भिजली
श्रीरामाच्या पूजेसाठी आज अयोध्या सजली सजली

गुढ्या पताका तोरण साजे
रूपे घेती अवयव माझे
अभंग नौबत कंठामधुनी, दाही दिशा गाजली

हृदय म्हणू की हे सिंहासन
बसा रघुवरा घेते दर्शन
स्पर्शसुखाने अवघी काया थरथरली, लाजली

पंचप्राण हे लावुन ज्योती
सर्वांगाने करीन आरती
भक्तिभाव ही टाळ-मंजिरी, तालावर वाजली

सर्वस्वाच्या नैवेद्याने
एकरूप हो दोन जीवने
तुझ्या कृपेची अमृतवेली, मनोमनी रुजली
नौबत - मोठा नगारा.
मंजिरी - एक प्रकारचे घनवाद्य.

Please consider the environment before printing.
कागद वाचवा.
कृपया पर्यावरणाचा विचार करा.