शुभंकरोति कल्याणम्
शुभंकरोति कल्याणम् आरोग्यम् धनसंपदा
संध्यासमयी संध्येसम हा मंत्र जपावा सदा
पुनवरुपेरी दीपावली वरी जरी उजळे अंबरी
देवापुढती नित्य विसावी एक ज्योत कापरी
त्या ज्योतीने भवती फुलावी शांतीची प्रतिपदा
सांजप्रहरी सदनी लाविता सांजवात चिमुकली
प्रसन्न होउनी लक्ष्मी येई गेही सोनपाउली
समीर येई मंद गतीने लुटित निशिगंधा
घरकुल अपुले मंगल मंदिर गाभारा मनीचा
हर्षफुलांनी सदा भरावा सुरम्य प्रीतीचा
गृहमंदिरी गंध सुखाचा पसरावा सर्वदा
संध्यासमयी संध्येसम हा मंत्र जपावा सदा
पुनवरुपेरी दीपावली वरी जरी उजळे अंबरी
देवापुढती नित्य विसावी एक ज्योत कापरी
त्या ज्योतीने भवती फुलावी शांतीची प्रतिपदा
सांजप्रहरी सदनी लाविता सांजवात चिमुकली
प्रसन्न होउनी लक्ष्मी येई गेही सोनपाउली
समीर येई मंद गतीने लुटित निशिगंधा
घरकुल अपुले मंगल मंदिर गाभारा मनीचा
हर्षफुलांनी सदा भरावा सुरम्य प्रीतीचा
गृहमंदिरी गंध सुखाचा पसरावा सर्वदा
| गीत | - | गंगाधर महाम्बरे |
| संगीत | - | गोविंद पोवळे |
| स्वर | - | माणिक वर्मा |
| गीत प्रकार | - | भक्तीगीत |
| गेह | - | घर. |
| गाभारा | - | देवालयात देवाची मूर्ती असते तो अंतर्भाग. |
| समीर | - | वायू. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !