A Non-Profit Non-Commercial Public Service Initiative by Alka Vibhas   
सुखाचें जें सुख चंद्रभागेतटीं

सुखाचें जें सुख चंद्रभागेतटीं ।
पुंडलीकापाठीं उभें ठाकें ॥१॥

साजिरें गोजिरें समचरणीं उभें ।
भक्ताचिया लोभें विटेवरी ॥२॥

कर दोनीं कटीं श्रीमुख चांगले ।
शंख चक्र मिरवले गदापद्म ॥३॥

चोखा ह्मणे शोभे वैजयंती कंठी ।
चंदनाची उटी सर्व अंगी ॥४॥
पद्म - कमळ.
वैजयंती - विष्णूच्या गळ्यातली काळी माळ.

 

  पं. जितेंद्र अभिषेकी