सुखद या सौख्याहुनी वनवास
सुखद या सौख्याहुनी वनवास
राजगृही या सौख्य कशाचे, सौख्याचा आभास
गोदातटीची पंचवटी ती, आठवते मज पर्णकुटी ती
प्रिय रघुनंदन प्रिया जानकी, एकामेकां जवळ सारखी
कपोत युगुलापरी लाभला रात्रंदिन सहवास
येथ घेरिती तया प्रजाजन, दुरावती मज जानकी-जीवन
भरजरी वसने रत्नकंकणे, असह्य मज ही राजभूषणे
रावणसे हे राज्ञीपद का कारण हो विरहास
राजगृही या सौख्य कशाचे, सौख्याचा आभास
गोदातटीची पंचवटी ती, आठवते मज पर्णकुटी ती
प्रिय रघुनंदन प्रिया जानकी, एकामेकां जवळ सारखी
कपोत युगुलापरी लाभला रात्रंदिन सहवास
येथ घेरिती तया प्रजाजन, दुरावती मज जानकी-जीवन
भरजरी वसने रत्नकंकणे, असह्य मज ही राजभूषणे
रावणसे हे राज्ञीपद का कारण हो विरहास
| गीत | - | ग. दि. माडगूळकर |
| संगीत | - | स्नेहल भाटकर |
| स्वर | - | ज्योत्स्ना भोळे |
| नाटक | - | भूमिकन्या सीता |
| गीत प्रकार | - | राम निरंजन, नाट्यसंगीत |
टीप - • नाटकाच्या मूळ संहितेत पदे नाहीत. रंगमंचीय सादरीकरणाच्या वेळेस त्यांचा अंतर्भाव करण्यात आला होता. |
| कुटिर (कुटी) | - | झोपडी. |
| कपोत | - | कबुतर. |
| राज्ञी | - | राणी. |
| वसन | - | वस्त्र. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !