A Non-Profit Non-Commercial Public Service Initiative by Alka Vibhas   
सुंदर खाशी सुबक ठेंगणी

सुंदर खाशी सुबक ठेंगणी स्थूल न,
कृशहि न, वय चवदाची ॥

नयन मनोहर वनहरिणीचे,
नाक सरळ जशि कळि चाफ्याची ॥

भृकुटि वांकड्या, केश सडक मृदु,
दंतपंक्ति ती कुंदकळ्यांची ॥

ओंठ पोवळी, हनु चिंचोळी,
लालि गुलाबी गालांवरची ॥
गीत- गो. ब. देवल
संगीत - गो. ब. देवल
स्वर -
नाटक- संगीत शारदा
चाल-मंदस्मित अरविंद
गीत प्रकार - नाट्यगीत
कुंद - एक प्रकारचे सुवासीक, पांढरे फुल.
चिंचोळी - क्रमाने निमुळता होत गेलेला.
भृकुटी (भ्रू) - भिवई.