सुटला वादळी वारा- वल्हव जोमांत जरा
गाठूं किनारा- गड्या गाठूं किनारा रे

उजविला महागाई बेकारीचे खडक- बसेल धडक
हेरून ठेव हा माराया धडक- फोडाया खडक
एकीचा दीप कुठं दिसतोय का हुडक- वल्हव तडक
तिकडंबी पाऊस-गारा- जनुं मशीनगन्‌चाच मारा
झुंजुं गाठूं किनारा, गड्या गाठूं किनारा रे

वादळी वार्‍याची भेती कुनाला- आमा कोळ्याला?
छातीवर नाचाया जल्माला आला- भेतोय्‌ का त्याला?
डोंगर लाटेचा समुरनं आला- रोखून त्याला
एकीचा करून पुकारा- वल्हं डावीला नेटानं मारा
झुंजुं गाठूं किनारा, गड्या गाठूं किनारा रे

किनारा गाठूं तर खाईल ना पोरं- धीरानं घ्या रं
दर्यात हिमतीनं डोली टाका रं- म्हावरं धरा रं
म्हावर्‍यासाठी नाव लोटलीया ना रं?- काळाच्या म्होरं
पोटासाठी नाव लोटलिया ना रं?- काळाच्या म्होरं
काळावरी वार करा अन्‌ भरभर म्हावरंबी धरा
झुंजुं गाठूं किनारा, गड्या गाठूं किनारा रे