स्वर्ग हा नवा
स्वर्ग हा नवा, वाटतो हवा
साथ ही तुझी जणू उन्हात चांदवा
ऐक साजणी, या खुळ्या क्षणी
वेड लावतो जीवा तुझाच गोडवा
चिमणे घरटे सजले साजरे
इवले सुख हे फुलले आज रे
भरले घर हे आनंदाने
मन हे गाते गीत तुझे ऐक ना
प्रेमगीत छेडितो ऊरात पारवा
बघुनी अपुले घर स्वप्नातले
सजणी झुलले तनमन, नाचले
जुळले नाते दोन जिवांचे
जीव हे झाले एकरूप साजणा
साथ ही तुझी जणू उन्हात चांदवा
साथ ही तुझी जणू उन्हात चांदवा
ऐक साजणी, या खुळ्या क्षणी
वेड लावतो जीवा तुझाच गोडवा
चिमणे घरटे सजले साजरे
इवले सुख हे फुलले आज रे
भरले घर हे आनंदाने
मन हे गाते गीत तुझे ऐक ना
प्रेमगीत छेडितो ऊरात पारवा
बघुनी अपुले घर स्वप्नातले
सजणी झुलले तनमन, नाचले
जुळले नाते दोन जिवांचे
जीव हे झाले एकरूप साजणा
साथ ही तुझी जणू उन्हात चांदवा
| गीत | - | गुरु ठाकूर |
| संगीत | - | अजय-अतुल |
| स्वर | - | हृषिकेश रानडे , योगिता गोडबोले-पाठक |
| चित्रपट | - | तुझ्या माझ्या संसाराला आणि काय हवं |
| गीत प्रकार | - | चित्रगीत , युगुलगीत |
| पारवा | - | कबुतराची एक जात किंवा त्याच्या रंगाचा. |
दाद द्या अन् शुद्ध व्हा !
हृषिकेश रानडे, योगिता गोडबोले-पाठक