तनमनाच्या मंदिरी या
तनमनाच्या मंदिरी या जागवूया चेतना
अर्थ लाभो जीवनाला हीच अमुची प्रार्थना
चेतना माझ्यातही, याच्यातही, त्याच्यातही
पृथ्वी-जल-आकाश अन् वायुतही, तेजातही
विश्वव्यापी या स्वरूपा नित्य माझी वंदना
एक आहे मागणे हातात या सामर्थ्य येवो
भीक-लाचारी-दयेचा स्पर्श ना अम्हांस होवो
कष्ट करु आयुष्य फुलवू मंत्र जप रे तू मना
घेतले व्रत आज आम्ही स्वप्न ते सत्यात येवो
दीन-दुर्बल-वंचितांचा विसर ना अम्हांस होवो
या जगी आनंद नांदो ही मनाची कामना
अर्थ लाभो जीवनाला हीच अमुची प्रार्थना
चेतना माझ्यातही, याच्यातही, त्याच्यातही
पृथ्वी-जल-आकाश अन् वायुतही, तेजातही
विश्वव्यापी या स्वरूपा नित्य माझी वंदना
एक आहे मागणे हातात या सामर्थ्य येवो
भीक-लाचारी-दयेचा स्पर्श ना अम्हांस होवो
कष्ट करु आयुष्य फुलवू मंत्र जप रे तू मना
घेतले व्रत आज आम्ही स्वप्न ते सत्यात येवो
दीन-दुर्बल-वंचितांचा विसर ना अम्हांस होवो
या जगी आनंद नांदो ही मनाची कामना
गीत | - | पवन खेबूडकर |
संगीत | - | अशोक पत्की |
स्वर | - | शौनक अभिषेकी |
चित्रपट | - | आम्ही असू लाडके |
गीत प्रकार | - | चित्रगीत, प्रार्थना |
चेतना | - | जीवनशक्ती / अंत:प्रेरणा / स्फूर्ती / ऊर्जा. |
Print option will come back soon