A Non-Profit Non-Commercial Public Service Initiative by Alka Vibhas   
तिने बेचैन होताना कळ्यांनी

तिने बेचैन होताना कळ्यांनी श्वास टाकावे
तिने होकार देताना जिवाचे चांदणे व्हावे

किती मोजू तर्‍हा आता तिच्या त्या वार करण्याच्या
तिच्या हाती कट्यारीने सुखाचे खेळणे व्हावे

कधी ते डाव मांडावे, कधी हासून मोडावे
तिच्या रुसव्यात शब्दांचे दुहेरी बोलणे व्हावे

तिच्या डोळ्यांतले पक्षी फुलांचे सोबती होते
कितिदा रंग स्वप्‍नांचे निजेवर सांडणे व्हावे
गीत- मंगेश पाडगांवकर
संगीत - मंदार आपटे
स्वर - मंदार आपटे
अल्बम- तिने बेचैन होताना
गीत प्रकार - भावगीत
  
टीप -
• मालिका- राधा ही बावरी, वाहिनी- झी मराठी.