A Non-Profit Non-Commercial Public Service Initiative by Alka Vibhas   
त्रिभुवनपालक रघुवीर तो

त्रिभुवनपालक रघुवीर तो स्वामि अयोध्येचा
वनवासी तुम्हीं आज पोरके पिता असुन तुमचा

कुणी रजकानें मला निंदिले सहजी गमतीत
अग्‍निशुद्ध मी असुन त्यागिले मजला रानांत
गर्भवती मी केवळ जगले विचार येता तुमचा

तुम्हां मुखीचे हास्य पाहुनी विसरलेहि दु:ख
बोल बोबडे ऐकुन वाटे स्वर्गीचे सौख्य
पतीपारख्या स्त्रीला केवळ अधार पुत्रांचा

घ्या बाळांनो शिकून विद्या आणि धनुर्वेद
राज्य पृथ्विचे जिंका देते आई आशीर्वाद
आशीर्वाद कधि होइ न खोटा सती जानकीचा
रजक - धोबी.

Please consider the environment before printing.
कागद वाचवा.
कृपया पर्यावरणाचा विचार करा.