तू अबोल होउन जवळी मजला
तू अबोल होउन जवळी मजला घ्यावे
मी भान विसरुनी धुंद चांदणे प्यावे
ही विशाल अवघी मृदुल असावी धरती
चांदवा रेशमी गर्द जांभळा वरती
वर चंद्ररुपेरी झुंबर एक झुलावे
क्षितिजांत झळकता मंद केशरी तारा
अंगावर घ्याव्या धवल दुधाच्या धारा
त्या धारांनी चिंब मला भिजवावे
कचबंध मोकळा तुझ्या करांनी व्हावा
मधुगंध मंदसा बकुलफुलांनी द्यावा
तूं चंद्रबनातिल स्वप्निल रंग टिपावे
सुकुमार साजरी झुळुक लाजरी यावी
हळु रातराणिचा बहर उधळुनी जावी
हे धुंद निरामय वैभव तू फुलवावे
मी भान विसरुनी धुंद चांदणे प्यावे
ही विशाल अवघी मृदुल असावी धरती
चांदवा रेशमी गर्द जांभळा वरती
वर चंद्ररुपेरी झुंबर एक झुलावे
क्षितिजांत झळकता मंद केशरी तारा
अंगावर घ्याव्या धवल दुधाच्या धारा
त्या धारांनी चिंब मला भिजवावे
कचबंध मोकळा तुझ्या करांनी व्हावा
मधुगंध मंदसा बकुलफुलांनी द्यावा
तूं चंद्रबनातिल स्वप्निल रंग टिपावे
सुकुमार साजरी झुळुक लाजरी यावी
हळु रातराणिचा बहर उधळुनी जावी
हे धुंद निरामय वैभव तू फुलवावे
| गीत | - | गुरुनाथ शेणई |
| संगीत | - | श्रीनिवास खळे |
| स्वर | - | कृष्णा कल्ले |
| गीत प्रकार | - | शब्दशारदेचे चांदणे, भावगीत |
| कच | - | केस / बृहस्पतीपुत्र. हा पुष्कळ दिवस शुक्राचार्यांजवळ राहून संजीवनी विद्या शिकला. शुक्राचार्यांच्या कन्येचे, देवयानीचे, याच्यावर प्रेम होते. |
| निरामय | - | निरोगी / स्वस्थ. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !